DIE RUITERSTANDBEELD:

 
Tien dekades het hy bo die stad getroon
koper-brons torso – ruiter saal en toom,
bedrewe, kunstig op voetstuk vasgeheg
soldaat gepantser om vir sy land te veg.
 
Watter simboliek word aan ons oorgedra?
is daar ‘n dieper boodskap?  sou ons aan die maker vra.
die soldaat kyk fors,  fier  na links
na regs; oopgesperde neusvleuels; - die hings
 
Vir soveel jare  het hy vas bly staan
voetstuk van beton; met ankers in die rots geslaan
trotseer dit reën, hael,  wind
en weerlig wat ‘n teiken vind
 
Die pragstuk was te prominent
kolonialisme moet nou end
Die geskiedenisboeke word herskryf
deur jaloesie en afguns voortgedryf.
 
In die donker ure van die nag
verraad word gepleeg; misplaaste  mag
verwyder dit met  saag en lem
onkunde probeer die waarheid tem.
 
Magsmisbruik, venyn en haat
volg mekaar met raad en daad,
plaas dit waar dit niemand pla
Waar mense nie meer kan vrae vra.
 
Jurie Viljoen  Windhoek  Julie 2017
 

Phalaenopsis

pronk teen ʼn spierwit muur
flankeer met brose briese
van die wind – in skaduwee
en son troon jy trots bo ander uit

eksoties in eenvoud uniek
duidelike delikate dele
inmekaar gestrengel
kunstig aanmekaar geweef

skouspel sigbaar in kleur
kan ook uiters geurig wees
vlinderorgideë feëvlerk vrolik 
verfraai jy enige vertrek …

©Marlene Erasmus
01/02/2019

cumulus mediocris

sigbare massa vloeistofdruppels

of selfs bevrore kristalle wat

hoog in die atmosfeer hang

bo die aarde of hemelliggame

soms selfs verwys na as: nebulae


hoe dit ook al sy – wolke maak

ons nederig dankbaar vir reën

drie dennebome kyk hoopvol

op na die hemel en sug sag

wanneer kom die reën uit Sy hand?


©Marlene Erasmus

31/01/2019

oëverblindery

jou voorkoms in stervorm

fyn haartjies dans op jou

so vredig volmaak gevorm

vlesig blare in maroen omvou


met jou mooie aansien

verblind jy menigte mens

dit moet egter ander doel dien

voortbestaan is jou enigste wens


vlesig blare in fyn fluweel

met dansend diep donker kleure

wil jy insekte se vryheid steel

lok hul aan met vrot vleis geure


Vader, gee dat ons eie geur

U prent in ons mooi sal kleur ...

©Marlene Erasmus

30/01/2019

sonsoekende sonneblom

al in jou botselstadium soek jy die son
draai jy jou kop om son se spoor te volg
met sonop tuur jy blindelings ooswaarts

soos die dag sleepvoet aanstap volg jy
slaafs die son van die ooste na die weste
geveerdes en soogdiere klein baljaar in jou

met jou giggelgeel blomblare straal jy 
sonstraal vreugde uit in gerwe geluk 
Helianthus annuus – sonnige suksesverhaal …

©Marlene Erasmus
29/01/2019

Digter voor die Here

0 $


Ek het vermetel gestaan voor die Here

en gepraat oor die brandende spoelklip.

Here, hy gloei rooi van skeppingsvuur –

dis ‘n stom klip wat swaar klots

aan gedompelde ongekende gesange.

Neem U die skroeiende rots

en stort dit in die see

sou dit U Naam geval

Maar die Here laat die klippe kabbel.

Gloeiing word ‘n branding,

swiep my suinige verwagting

nuut.

O gloed van vervulling as die woord

volrond kom lê in die mond!

O vloek van die aanskyn se sweet!

O vloek van ‘n nuutgeskape god

aan wie ek offer my vrede vir ‘n lensiepot vol nyd!

Ja, ek beitel ‘n beeld uit die bot klip –

‘n stoornis van heilige stiltes.

Ek veg om die groter gloed,

‘n binneaarse wete van Woord en Gees.

Here, ek bid: hoe maak ek hierdie klip

ondergeskik?

©Marieta McGrath

Digter voor die Here

Ek het vermetel gestaan voor die Here
en gepraat oor die brandende spoelklip.
Here, hy gloei rooi van skeppingsvuur –
dis ‘n stom klip wat swaar klots
aan gedompelde ongekende gesange.
Neem U die skroeiende rots
en stort dit in die see
sou dit U Naam geval


Maar die Here laat die klippe kabbel.
Gloeiing word ‘n branding,
swiep my suinige verwagting
nuut.


O gloed van vervulling as die woord
volrond kom lê in die mond!
O vloek van die aanskyn se sweet!
O vloek van ‘n nuutgeskape god
aan wie ek offer my vrede vir ‘n lensiepot vol nyd!


Ja, ek beitel ‘n beeld uit die bot klip –
‘n stoornis van heilige stiltes.
Ek veg om die groter gloed,
‘n binneaarse wete van Woord en Gees.
Here, ek bid: hoe maak ek hierdie klip
ondergeskik?
©Marieta McGrath

Trane kind

My trane kind
In my hart vas gebind
Onder my hart was jy toegevou
Reeds toe was ek lief vir jou

Maar groot word is seer
En die lewe is wreed
Jou lewens bad was breed
En niemand kon die groot word einas keer

Op jou eie wou jy gaan
Op jou eie twee bene staan
So, dag en nag het ek gebid
In my gedagtes het jy altyd gesit

Die lewe het jou rond gegooi
Elke dag was nie so mooi
Maar diep in jou hart het jy geweet
Is daar ‘n ma wat jou nie vergeet

Jou donker wolke het nou verdwyn
En die son begin vir jou nou skyn
Met al die lesse deur die lewe geleer
Is jy daar vir ander met seer

Om weer te droom

vernietig, verydel
keer op keer weer gesteel
sprinkaanswerms, rot en mier
elke tipe vernietigende dier
warm winde, pes en plae
het elke keer my droom gesteel
opgevreet en uitgedroog
tot niks

tot niks en nooit meer
saad of droom

tot nou … tot nou
‘n enkel pit sommer so
argeloos in die grond gedruk
het sonder sorg self gegroei
by my venster ingebloei
my huis se dak toegerank
purper blomme in die wind
ek dink ‘n droom het my gevind

(c)Meraai

Lied van die sondaars

0 $

(‘n pastiche nav Lina Spies se “Lied van die kinders”)
“Kom na my toe, almal wat moeg en oorlaai is”
Die SS soldaat
wat sy geweer gerig het
op ‘n Jood,
sy lip in nare krul,
op sy skoen ‘n groot, rooi vlek.

“Kom na my toe, almal wat moeg en oorlaai is”
Die Kongolese militant
tronend op swaar stewels
van haar, wurm, weggedraai
terwyl aan sy penis
bloed en skande hang.

“Kom na my toe, almal wat moeg en oorlaai is”
Die Hamas-heilige
swaai sy hande langs ‘n vuur
spuug bloed en bomme
om vryheid van onskuld te verhaal.

Kom na my toe, almal wat moeg soek na vergewe
saamgespan voor Pilatus en Herodes
honde wat honger na lug hap
Kom na my toe, volk van die Messias
wat julle aan ‘n kruis gehang het
toe in bloed en vloek en skande
my Vader jul vergeef het.

Ek sal julle rus gee
moordenaars
verkragters
verloënaars
tollenaars
sondaars

Julle moet ek by tuisgaan
Julle hou leë hande uit
en voete om te was

Kom na my toe

Petrus
Saggeus
Rower aan die kruis

Ek sal saam met julle
in die paradys wees

©Marieta McGrath

Afrika

as die gemsbok teen die duin
se horings in die fel-son blink
… sien ek Afrika

as die eerste donder-druppels
op die dorheid van sy aarde val
… ruik ek Afrika

as die jakkals teen die sekelmaan
sy eensaam lot hartseer bekla
… hoor ek Afrika

as sy son my brand
waar ek kaalvoet loop
na waar wye horisonne roep
… voel ek Afrika

as ek op my maag plat gaan lê
my dors met sy soete waters les
waar rooivin vissies dartel-swem
in sy blinkskoon bergstoom koel
… proe ek Afrika

as ek vanaand my kop neerlê
onder sy nagswart sterkombers
in stilte ongehoord
… lief ek Afrika

dan skrik ek uit my droom
met vreemde onverstaan
ek sien die meslem blink
sy reuk is bitter-rubber rook
ji-ji-ji sy haatspraak taal
sy waters groen geslik
hy brand … hy brand
en die donderwolke trane
sis in sy haat se vlam

die troos … my troos
as die kluite op die blinkplank val
dan oplaas in ongekende vredeslied
word ek geheel-en-al
… deel van my Afrika

(c)Johann Muller

‘n Meisie loop op met die bult

Sy tree vernuftige kwashale
‘n heuningkwas swiep in die naat
gety van die lyf wat stoot teen die lyne
geanker, lig, aan die raam
sy’ s figuurtjie in haar eie skets
haar voete verf ‘n seker droom
en as sy bo kom
is sy heuning in die vlug
sonskadu’ s oor die aarde

Meisie wat die bult op loop
mag jou hande altyd odes verf
mag jy nooit jou eie hale prys
want meisie wat die bult op loop
ons vlerke is ons net geleen

©Marieta McGrath

om die waarheid

Om die waarheid
sal ek’ ie skrik,
van hoe se en wie se en
wat gesê van leeg lat lê
dis ʼn oorvol gedruk,
my klein ding vergifnis
daar in die hoek
sommer nou belangrik gevloek

 

wat my nou net gebeur het, o treur
het met jou gebeur en toe
dit alles om ‘n veer …
kruis woord, huis besoek
hier lê ons tale dwars oor die tafel
dronk van geregtigheid
vrot gemoed
o wee

 

vader, geen geheim of raaisel meer
dis as of die wêreld
drie keer weer uit sy dop
loop ting-tingkie speel
en almal glo opnuut daar in,
van voor af verbeel 
en verder galop

 

om die waarheid
sal ek’ie skrik,
al kom jy hier aan riet uitgeknip
pou oppie toring se punt
later gaan jy tog maar saam
stadig en gebukkend voort
nes ons ma vanaand

 

Dirk Van Agter

Blou agter alles

 

Blou agter alles
alles wat val of al verval is 
die Pierneef bome die doring draad visier
die maan wat krom is, kom maak n draai by die skuur
fluister deur die sinkplaat dak

blou agter jou geel streep gordyne
dronk gedroom agter glas-metaal koesyne 
n’ wereld waar kans jou kom kry, n’ kringloop verdeel, 
so blou gesleep van son-op na son-sak 
uitgeasem teen die nag se keel

dis alles vir tickets my vriend vanaand 
in die nek omdraai straate waar ons loop
daai kraai skreeu al jaare deur die stad se snare
en sing en boei alles te same – en nou

is dit blou agter die donker traalies binne my
en rou nes n pes rooi miere 
vokkie res na vryheid of nuwe naam
in skaduwee geweete ver hier vandaan
niemand bel meer uit Betlehem
goor lui die gooie ou roepstem , ..this number does not exist
wat doen n hoer met dit?

Dis blou agter al die berge uitgeknip
so sweef die lang pad horizon, land psalms van leemte 
snik en verduur die gisis van die son – teen 140km per uur
n teen middel vir n halwe hip-hop kultuur
tot uit uiteindelik die reen, sug
verlossing uit die moeder speen

val tot alles kiewiet van padda na klipspring
uit die modder geraamtes groei weer vis
wat ooit was is weer nuut
bring bo alles wat eens onder was

ons kyk deur vasem vensters verslae
van hier gehuil tot berg af see toe
blou agter alles, soms rigting onseker 
tog hemels, en duidelik
blou agter alles

Dirk Van agter