Dwaal stories van die Heikum
( dis stories van toe die diere nog kon praat , of toe die mens hul nog kon verstaan)
Bobbejaan het nes die res van die mense,
nog onder op die vlaktes gebly,
veldkos versamel en eintjies gegrawe.
Maar van begin af het hul kos en ander goed van die mense gesteel.
Damma die bobbejaan voorman voor hy die Brandwag genoem is, het eendag Heitsie se tower groustok gesteel.
Toe Heitsie sy groustok soek , die een wat self geweet het waar kambro groei en die soetste Goenoes is . Maak Damma of hy van niks weet nie en steek die stok agter sy rug weg. Damma gaan sit toe op die stok en die steek in sy stuitjie in. Hoe meer Damma probeer om die stok uit te trek hoe vaster sit dit. Heitsie en die jagters sien toe waar die groustok is en storem op die bobbejane af die bobbejanne vlug toe die berge in om van die jagters af weg te kom. Heitsie skreeu vir hulle "jul wou my groustok he, so elk een van julle sal nou een kry wat jul nie mee kan grawe nie, en wat jul ook nie kan weggooi nie".
Die groustok wat in Damma se stuikkie vas gesteek het het begin vel en hare kry nes sy lyf. En al die ander bobbejane het ook vleeslike groustokke begin kry nes Damma sinne.
Van daaidag af het die bobbejane ook in die berg gebly , waar hul vêr kon sien as daar mense aan kom en of as Luiperd hul dalk bekruip .
En tot vandag toe is daar nog nie vrede tussen bobbejaan en die mens nie.
(c)Paul.S.Cloete.~
