Meraai

My Damaraland

glimmer goud lokkend

dansend uit die nag

speel sy spieëlbeelde

in vroegmôre dag

hardekool houte 

en bruingebrande berge

diepspoor duine 

en weggesteekte water

beskerm beskut 

woestyn bewoner diere

martel en mergel maar 

voed ook en vestig

grasgeel en vaalgroen 

haar rok en haar hare

warrellende winde 

dans haar lag oor die velde

uitgeput kom sy tot rus

in laatmiddag koelte

prisma pastelle pink tot pers

voor sy haar toevou in nagkombers

Meraai

 

WELKOM

Welkom in my persoonlike spasie. 

Krap gerus rond, lees, deel en laat 'n boodskap.

Meraai is net nog 'n ongekultiveerde, kaalvoet woestynkind. Gebore in Namibia, hier grootgeword en buiten vir 'n paar omswerwinge - sal jy my nog steeds net hier vind.

Ek is soveel deel van die Namib as wat die Namib deel is van my - Ek het die Namib in my siel.

Leef!

Moet nooit so hard probeer om te oorleef - dat jy vergeet om te leef nie! 

Volg jou droom.

Laat 'n boodskap

Jou e-posadres sal nie gepubliseer word nie.