Marsofine Krynauw

3 months ago

Ek was vanoggend spakeloos! My Engeltjiekind was by my toe ek verneem het van die wonderlike eer. Sy kon glad nie verstaan hoekom ek nie net baie bly is nie, maar sprakeloos. Alle eer aan my Vader. Dankie Anton Bosch vir jou ondersteuning en pragtige kommentaar ....waardeer dit opreg.

3 months ago
Vat my saam

Vat my saam

3 months ago

Hoe geseënd is ek
Hierdie Woensdag, 22 April 2020, het soos enige ander Woensdag vir my begin. My lewe is nog normaal, al is almal anders in “lockdown”. Ek staan nog steeds elke oggend vyfuur op en gaan werk sewe dertig. Die enigste verskil is, dat ons geen kliënte by ons kantoor ontvang nie. Verder werk ons soos altyd volstoom.
Die oggend verloop heel normaal. Met oproepe van kliënte wat in hierdie tyd nog ʼn behoefte aan ons dienste het, lêers wat rond gedra word, dokumente wat skandeer word. Die normale in ʼn tyd waarin almal ten hemele skree omdat hulle by die huis moet bly. Hier het ek al klaar guns. Guns om te kan werk, om te kan aangaan om ʼn diens te lewer terwyl almal by hul huise sit en vrees. Besig om elke woord, lettergreep en versinsel oor die Koronavirus te glo, te verslind en nog boon-op aan te stuur ook.
Ek weier om enige vrees te hê, ek stel nie belang in enige nuus oor die virus nie. Ja, ek weet dit is ʼn werklikheid, maar my werklikheid verkies ek om God te wees en nie ʼn mens gemaakte virus nie. Dat dit baie baie mense raak, dit weet ek ook. Wat kan ek daaraan doen deur mee te doen om propaganda oor die virus te versprei en net nog meer vrees by mense in te boesem! Niks, net mooi ʼn ronde nul.
Ek verkies om met die Een te praat en die hele wêreld aan Hom op te dra. Hy het die heelal geskape, Hy kan dit ook genees!
Net so na middag kyk ek gou my ‘whatsapp’ boodskappe. Dit is daar waar my bootjie geskud word!
Daar is ʼn versoek vir baba doeke vir ʼn baba wat vanoggend gebore is. Nou wat is nou so erg daaraan, sal almal nou wonder.
Hierdie babadogtertjie se ma, is ʼn vrou wat elke dag by die sentrum vir haweloses ʼn kospakkie gaan haal. Dit is al kos wat sy daagliks kry. Waar sy bly, wel dit weet niemand nie, want sy het nie ʼn huis of ʼn kamer nie. Sy was swanger, maar die baba nog nie te wagte nie. Sy het soos elke dag haar kospakkie by die sentrum gaan haal. Daar het sy kraampyne begin kry. Genadiglik is die kliniek net agter die sorg sentrum en het hulle haar daarheen geneem. Daar het sy haar baba dogtertjie in die lewe gebring met behulp van die susters daar.
Hierdie babadogtertjie het in die lewe gekom. Sy was nie nou al verwag nie, maar al was sy, was daar nie ʼn draad klere of eers soveel soos ʼn babadoek vir haar nie.
Nou gaan die meeste se reaksie sekerlik wees: ‘Maar hoekom het die vrou nie al begin goedjies bymekaar maak nie?” Dood eenvoudig – sy het nie eers ʼn blyplek of kos om te eet as sy nie daagliks ... See more

3 months ago

Ballerina

Ingeperk vir te lank

trippel sy op gepunte toontjies

deur die venster

tot op die dak

waar die gips punte

klak klak klak

tot heel bo op die nok

vier sy haar vryheid

in ‘n perfekte

solo en pointe

hunkerend

roerloos

starend na die maan -

in hierdie eensame uur!

©Marsofine Krynauw

21 April 2020

3 months ago
Alle antwoorde

Alle antwoorde

3 months ago

Die Gemaskerde man

Terugvoer deur: Winnie de Goede

Nadat Amber se biologiese ouers oorlede is het haar oppasster haar aangeneem. Sy was n enkelouer wat reeds twee seuns gehad het maar dit het hulle nie gekeer om die dogtertjie as hul eie groot te maak en lief te hê nie. Met vrede, respek en liefde woon hierdie inboorlingstam saam in die bos. Hul kleurryke kultuur en tradisie word so mooi beskryf. Dan verskyn daar n gemaskerde man en die liefde tussen hom en Amber ontvou in n pragtige verhaal.

Baie geheimsinnig, romanties en gevoelvol. Jy mag maar skryf!

3 months ago

Te midde van....

Dit is Vrydagmiddag, so skuins voor twee uur in Windhoek. Ronelda is opgewonde. Dit was ʼn lang week, al het dit net drie en ʼn half werksdae gehad na die afgelope Paasnaweek. Haar kollega, Gilda en sy het definitief ʼn week se werk in hierdie tyd ingepas. Gelukkig is Vrydae net halfdag!
Sy moet gaan kruideniersware koop vir die volgende week, want met die hele inperking bedryf is dit eintlik al wat haar raak. Verder verloop haar lewe redelik normaal. Sy gaan nog steeds elke dag werk, en wens nog steeds sy het saans meer tyd gehad om haar passie uit te leef, en te skryf. Hierdie af namiddae koester sy en wil so vinnig as moontlik die hele inkopie affêre agter die rug kry.
Wanneer sy haarself by die groot winkelsentrum in haas, onthou sy skielik dat haar allergie pille dit nie sal maak tot volgende Vrydag wanneer sy eers weer haarself in die sentrum gaan waag nie. Teen ʼn tempo wat professionele stappers sal laat lyk of hul parkering soek, stap sy die ent na die Diskem, wat reg in die middel van die sentrum geleë s. Sy het ʼn ry verwag, dit is nou mos maar onvermydelik deel van die hele inperking bedryf. Soos sy nader kom, merk sy dat die ry voor die apteek darem nie té lank is nie. Sy maak vinnig haar sommer, sy behoort darem nie te veel skryf tyd hier te mors nie.
Soos ʼn soet kind, gaan staan Ronelda mooi op die kol wat aandui dat sy nie die persoon se persoonlike spasie belemmer nie. Die dame voor haar is ʼn dame in haar senior jare, geklee in ʼn kuit lengte boek, met ʼn bypassende somerbloesie daarby. Ek is seker ek ken hierdie vrou.
Ronelda wag geduldig op haar kol, terwyl sy na die musiek wat oor die interkom in die sentrum speel luister. Hoor oog bly op die vrou voor haar, miskien draai sy iewers om, dat sy kan sien of haar vermoede reg is. Haar oë dwaal skielik af na die vrou se voete. Mmm, lekker gemaklike skoene. En die naellak op die toonnaels ʼn donker maroen. Dit moet net die persoon wees wat sy ingedagte het.
Die volgende oomblik sien sy hoe die dame baie subtiel op die musiek ʼn wals passie of twee uitvoer, net daar waar hulle in die ry staan. Dadelik weet sy, dit kan net die persoon wees wat sy in gedagte het. Net sy het soveel selfvertroue dat sy in ʼn ry sal staan en wals passies uitvoer.
Meteens kyk die dame om. “Hi, hoe gaan dit met jou, Ronelda?”
“Dit gaan goed dankie.”
Net so vinnig kyk sy weer voor haar. Sy sal sekerlik, nou dat sy weet ʼn bekende persoon staan agter haar, nie meer dans passies maak ... See more

3 months ago

Music of two hearts

The music vibrated in my soul
I closed my eyes
there you were
I felt the warmth
of your body
your arms holding me
ever so close to your heart
my head resting on your chest
I heard the heavenly music
of the drums of your heart
bliss met me there -
there in your arms
the music took me
to where you are -
so far, far from where
I am!

©Marsofine Krynauw
16 April 2020

4 months ago
Jou stem

Jou stem

4 months ago

Na aanleiding van 'n stuk wat ek laas week geskryf het oor my Pappa, het my vriend Anton Bosch 'n vers geskryf nadat hy die stuk gelees het. Daarna het ek 'n vers geskryf op antwoord daarop . . . . hier is dit, geniet dit!

4 months ago

Glans van Wraak
Nog positiewe terugvoer oor een van my boeke wat my na aan die hart lê!

Winnie Hattingh de Goede - Weskus - SA

Wat ‘n boek!
Boeiend, interessant, en dit prikkel jou nuuskierigheid so dat jy nie die boek kan neersit nie. Die trauma van aanranding, verwerping en molestering is raak beskryf asook die effek wat dit op die karakter gehad het. Die wyse waarop die skryfster die karakter se keuse op heelwording verwoord het, was verrassend. Goeie skryfstyl. ‘n Moet lees boek!

4 months ago

Terugvoer op Glans van Wraak
Merwe Walters, is 'n skoolvriend, en het nou gedurende 'lockdown' in Suid-Afrika Glans van Wraak gelees. Hier is sy mening.

"Ek is self 'n pa van drie dogters en die storie het my diep geraak. Ek was hartseer, kwaad, en magteloos. Jade se magteloosheid oor die situasie waarin sy haar bevind het, het my as vader diep getref. Haar pa wat homself sien as 'n god - onaantasbaar, die een wat die reëls maak waarop almal moet dans. Wat homself voordoen as 'n held, maar hom besig hou met duister dinge.
Die gebeure in Glans van Wraak is dinge wat 'n werklikheid is in ons wêreld, maar ons besef dit net nie.
Dit was wonderlik om te sien hoe Jade die hel in haar lewe as 'n hefboom gebruik het om uit te styg.
Definitief 'n moet-lees-boek vir mans en vroue. Ek sal dit ten sterkste aanbeveel. Ek kon dit nie neersit nie!

Mev Annelie Husselman, Windhoek
Glans van Wraak

Die boek is ongelooflik boeiend. Jy wil dit nie neersit nie. Aan die begin was dit baie skokkend oor wat gebeur het. Die manier hoe Jade dit hanteer het, was amper bomenslik. Ek was kwaad vir haar ma wat so selfsugtig was en haar pa wat so vol van homself was. Ek wou hom verwurg. Ek hou van haar gesondheidsprogram en haar volgehoue deursettingsvermoë.
Die gebeure word baie presies beskryf. Jade het uitstekend geleer om ʼn masker te dra.
Die boek is baie spanningsvol en Jade was vir my so werklik dat ek haar graag in lewende lywe sou wou ontmoet. Sy het my baie aan Jean-Claude van Damme laat dink wanneer hy fiks word om sy vyande aan die pen te laat ry.
Ek het uit die boek geleer dat mens na jou liggaam moet kyk om jou brein ook gesond te hou. Ek het my gate uit geniet en sal dit nog ʼn paar keer lees. Dit sal ʼn uitstekende draaiboek maak. Wat kan ek sê: ek is een van jou grootste aanhangers, en sal die boek beslis aanbeveel.

4 months ago
Ek ken jou nie...

Ek ken jou nie ...

4 months ago
As 'n boer dans . . .

As 'n boer dans . . .

4 months ago

Glans van Wraak

Terugvoer van leser: Alida Grove, Hentiesbaai

Dit is 'n boek wat jou laat besef wat daagliks om ons plaasvind. Dit laat mens weer bedag wees dat daar vreeslike dinge met mense om jou gebeur, en ons weet nie daarvan nie. Die boek het my aandag gebind van die eerste woord af. Ek lees swaar want my oë is swak, maar kon net nie die boek neersit nie.
Ek beveel hierdie boek ten sterkste aan. Ek sal selfs so ver gaan om te sê jy moet die moontlikheid ondersoek om dit as 'n draaiboek vir verfilming te verkoop.
Dit is 'n uitstekende storie!
Baie geluk!

Hierdie is Alida se terugvoer om my boek, dit maak regtig al die ure en dae wat ek hieraan spandeer het die moeite werd as mense so oor jou skeppingswerk voel.

Ek het nog boeke beskikbaar, indien daar enigiemand is wat wil uitvind hoekom Alida dit so geniet het.

Koste: N$120.00
Plus posgeld as dit buite Windhoek is

Vir my Suid-Afrikaanse vriende - julle kan dit van n Uitgewers by hul aanlyn winkel bestel. Hul stuur dit met Pep Stores uit en jy sal jou boek binne 'n week in jou hand hou. malherbe-uitgewers.co.za

En vir diegene wat van E-boeke hou, dit is ook in die formaat beskikbaar.

4 months ago

Daar loer ʼn reënboog

Haar gemoed swaar

soos die wolke

wat sy

deur haar kamervenster na staar

dan merk sy dit

skaam, skaam half versteek

loer ʼn stukkie reënboog uit

glimlaggend deur die donkerte - wyd

verkleur die donker massa

in sagte skaduwees van

pers, groen, geel, blou en pienk

breek die somber donder-blou

streel haar hart sag met

sy kleure kwas

breek die donkerte oop

totdat die uur se somber

uit haar gemoed

traag drup-drup

dan loop

tot net oorbly

nuwe hunkering

in kleur gedoop

met nuwe hoop gesoom

sag deur haar hart geweef

dag vir dag

sal sy leef...



22 Maart 2020

©Marsofine Krynauw

5 months ago
Foto's uit Marsofine Skryf se plasing

So vier 'n mens jou boek met jou beste vriendin...

5 months ago

Liewe Vriende en Lesers,

As my boeke so goed laat voel, maak dit my hart warm.
Baie dankie Annalene Boonzaaier, vir die pragtige resensie, ek waardeer dit opreg.

Vreemde Paaie Resensie
Deur Annalene Boonzaaier

Indien jy so ʼn bietjie spanning wil ontlaai, is die bundel ‘Vreemde Paaie’ deur Marsofine Krynauw, net die aangewese boek om saam met jou bed toe te neem.
Ek het die boek in één aand deurgelees, aangesien ʼn mens dit net eenvoudig nie kan laat los nie. Jy leef jou heerlik in die verskillende karakters se rolle in. Hierdie bundel lees ook heerlik, aangesien die verhale daarin nie al jou breinselle opeet nie – juis daarom maak dit van hierdie boek só ʼn aangename ontspanningskuur.
Sielkunidges vertel skynbaar dat die romanskrywer ʼn warm, vriendelike én sensuele persoon is. Ek kan dieselfde van die skrywer, Marsofine Krynauw, sê, veral wanneer die leser vasgevang word in die intriges van “Skedel Eiland”, een van die uitstaande stories vir my in die bundel.
Marsofine se allerpragtigste verse bied afwisselend genot aan die lewer en komplimenteer tegelykertyd die verhale in die bundel.
Voorwaar ʼn skrywer om dopgehou te word en ʼn bundel om definitief te lees!

5 months ago
Foto's uit Marsofine Skryf se plasing

Wow, ek is al weer in die wolke, en hierdie keer is ek sommer in die reën wolke!!! Een van my gunsteling boeke van die wat ek tot dusver geskryf het.

Kontak my asseblief as jy belangstel om een te koop.

5 months ago

Maandag se kuur...

Traag swaai sy haar bene van die bed. Dit is Maandag! Die lus ontbreek haar geheel en al om op te staan. Net die gedagte aan haar kantoor, laat haar sommer weer terug val teen haar kussings. Met uiterste wilskrag, dwing sy haarself om op te staan.
Dit is nie dat sy nie dankbaar is vir haar werk nie, die omstandighede daar is net onmoontlik. Dit maak haar geestelik moeg. Die stuit haar kreatiewe denke en maak haar meeste dae net negatief en neerslagtig. Die werk is baie, die hande wat dit moet doen té min. Die base, byna nooit daar, om te doen wat hulle alleen kan doen nie. Dit bring mee dat die spit afgebyt moet word, deur dié wat glad nie bewus was van die opdrag deur die kliënt nie.
Verder doen sy al vir twee jaar hierdie werk, het hard geleer en sit tweehonderd persent in. So het sy gedink!
Totdat een van haar base ongesteld geraak het en die ander baas weer die leisels geneem het. Skielik was niks wat sy vir twee jaar geleer is en gedoen het presies soos sy geleer is, meer reg nie.
Hoe harder sy probeer verduidelik het, sy doen dit net presies soos sy geleer is, hoe minder is daar na haar geluister. Totdat sy later moedeloos en na aan trane na haar tafel gegaan het. Sy trek die inligting van ʼn sisteem af wat hulle geïnstalleer het, en nou is niks reg nie. Hoe op aarde is die moontlik? Hoe kan sy vir twee jaar alles verkeerd doen en niemand het ooit ʼn haan daarna gekraai nie? Miskien net omdat dit nie so is nie!
Niks het egter in die daaropvolgende dae en weke verander nie. Sy het bly werk asof sy besete is en haar dood gehardloop om probleme waarvan sy niks weet, te probeer oplos. Die atmosfeer in die kantoor was so swaar jy kon dit met ʼn mes sny.
Dit is die rede vir haar traagheid om op te staan vanoggend. Sy beweeg traag kombuis toe. Maak soos ʼn outomaat vir haarself koffie, sit haar vitamiene en beskuitjie in die glasbakkie. Gaan klim terug in die bed om haar koffie en beskuit te geniet. Dit is haar daaglikse ritueel. Sy gee vir haarself koffie in die bed. Daar is immers niemand anders om dit te doen nie.
Dan volg haar stilte tyd. Dit is wat haar aan die gang hou deur die dae en weke as sy voel soos sy nou al byna die hele jaar voel. Daarna is sy weer hoopvol. Sy gaan haar bes probeer om vandag aan die beloftes wat sy in die Woord gekry het, vas te hou.
Sy hoor die geluid van ʼn boodskap op haar selfoon. Sy glimlag skalks, dit kan net van haar digters vriend wees. Dit is net hy wat so vroeg al aan die gang is.
Sy ... See more

« 1 of 13 »

Woorde wat waai

“]

Om hierdie bundel te bekom:

teen N$ 150-00

Kontak vir Marsofine by

marsdrey@yahoo.com

Of los ‘n boodskap op blog of fb

https://www.facebook.com/Marsofine-Skryf-163290104621296/

 

 

Laat 'n boodskap

Jou e-posadres sal nie gepubliseer word nie.