Spammer of Nie?

Sal die volgende subscribers hulself asseblief so gou as moontlik identifiseer met ‘n persoonlike vonkpos kontak waarin jy my vertel wie jy is. Jy kan die vorm onder kontak gebruik. Julle het 24 uur – indien ek niks van jou terug hoor nie – sal ek jou van die blog verwyder, blok en rapporteer. 

Ek hoop jul verstaan ons probleem met spamming.  Ek sal dit nie duld nie. Indien jy onskuldig is – vra ek om verskoning – maar identifiseer jouself asseblief.

peiling87@mail.ru;aredov-s@mail.ru;biolerp@mail.ru;Adrienne.Brack43@brennan51.extravagandideas.com;Alisha_Linton@erdley62.roastedtastyfood.com;anblog@bk.ru;tracbui@mail.ru;AllanMcPhillamy91@desk.ragnortheblue.com;ansil2019@mail.ru;Britney-Calderone2@riggenbach83.truckmetalworks.com;e.pravushin@mail.ru;asha@allpaydayloans.info;mirra.domankova.88@mail.ru;s.likospastov@mail.ru;coinchet@mail.ru;Cyrus-Mckenney60@erdley62.roastedtastyfood.com;haullyn@mail.r;DawnBland@happy.vocalmajoritynow.com;robnea@mail.ru;klavdiya.astashina.79@mail.ru;Dillon_Trundle@kristel1993.cottonsleepingbags.com;mescru@mail.ru;enca.1975@mail.ru;DyanBlumenthal@most.ragnortheblue.com;akim.nnalil.dallovag@mail.ru;Elida_Terpstra@riggenbach83.truckmetalworks.com;penkin.stepan@inbox.ru;amaliya_fere_kosolapova@mail.ru;dhenim@mail.ru;FawnSackett75@forum.farthy.com;haisfer@mail.ru;Francisco_Rotton@kristel1993.cottonsleepingbags.com;GraceBurden82@desk.ragnortheblue.com;margieva.y@bk.ru;Isabel_Jenyns81Jon_Laurence@riggenbach83.truckmetalworks.com;tekick@mail.ru;Jude.Christmas31@riggenbach83.truckmetalworks.com;Juliane.Dumont@kristel1993.cottonsleepingbags.com;KennyDalley5@nexttonorm.com;enci1987@mail.ru;Celeste_Lyell@erdley62.roastedtastyfood.com;

Baie dankie

Meraai

Karsinoom

Die Siekte
het jou leeg gesuip,
tot op die been.
Jy het lankal Vader Tyd se hand in die heelal gevoel,
selfs skalks vasgehou met tye…
Todat die laaste bietjie murg,
weer oorlog verklaar het teen verganklikheid.
Vir jóú vriend,
sal ek die son gaan haal,
deur die lug sleep van waar die hemel en aarde een word.
Vir ‘n leeftyd lank was jy
klipstom,
of donderweer duidelik,
deel van my beskeie pad.
En kon ek op jou reken
In tye van vreugdesfees, of, al was my oë dik en wange nat.
Hoe kan ek in jou laaste dae
kla…
Oor hoe ek jou nodig het
En hoe my hart sal bloei daar waar jy stadig los skeur?
Ek wil jou klingel-lag en “I told you so” wéét,
vasmessel in my nou,
en jou hê in my “Eendag op ‘n reëndag” kasteel-stories.
Sielsgenoot:
Jy weet waar jou “wil nie meer nie” begin.
Ek sal daar ook jou hart in my hande neem
En steeds vir ewig bemin.

©ANGELHEYNS

Jy en My

Kokon my toe
in ragfyn sy.
Bely dan,
herhaaldelik,
jou gevoel vir my.
Stryk my neer,
maak glad my siel;
Laat my vergeet
ek was ooit verniel.
Beveg die drake,
ontbind die vloek…
Oortuig my
dat ek
al een is,
waarna jy na soek.
Gee
aan my
asem,
en maak my weer heel:
met die hartswoorde
en
smagsels,
Wat my
heelhart
steel.
©ANGELHEYNS

Sielsbede van ‘n man

 * Foto krediet – google

waar my oë
bakhand na jou staar
fontein die skelle wete
die son het in die siel
van jou oë gesterf en
jou skouers het
pikkewyn-dom
oor die westerkim
gestrompel
terwyl vreugde
binne jou gal braak
bly jou hande
in gebed geklem

ontrukking het
oor jou wange gedrup
en soos doudruppels
deur die hitte
van jou seer verdamp
genadestrale het
oor jou gebloei en
jou treurgreep het
bewend in ‘n lofsang
uitgebreek

© Anzé Bezuidenhout

My denke

* foto krediet – google

huilend wolf my verlange
oor die krom van die sekelmaan
aandblomreuke salf die
kneusings van my siel
terwyl bidwoorde fetus
op die hemel van my tong

blindelings
klingel windklanke
in braille deur die
heilige branders
van my denke
wat in algeblaar huil

dan kry my woorde
nuwe voetvlerke
en ry sorgloos
oor die pieke
van ‘n saffierwind

© Anzé Bezuidenhout

Phoenix

Die son se blas en bleek gety
laat lyf- en sielseisoen gedy,
asem-wasem
bloed uit klip
Tyd
wat soos water deur my vingers glip.
My nuwe hemel kom
My wegkruip-mure is weer afgebreek-
om in te nooi
dit wat ek vir so lank wou vergeet.
Die troebelbrak
en bibberbang
sal steeds in die nag vir my kom vang,
maar ek is gewapen
met krygerskleed
en moed en sweet,
en weet,
en wéét…
©ANGELHEYNS
SEPT 2017

 

Om op te Gradeer na Bydraer

In die laaste paar dae het ons amper 50 nuwe aantekenaars (subscribers) by gekry.

‘n Aantekenaar kan slegs lees en kommentaar lewer . Niks self pos of plaas nie.

Om op te gradeer van ‘n aantekenaar na ‘n bydraer (contributor) is eenvoudig – stuur net ‘n vonkpos deur ons kontak blad en vra aan vir gradering. Vertel wie jy is en van waar – en ons oorweeg jou aansoek.

As bydraer het jy nog nie jou eie blad nie – maar jy kan op die Blog pos.

Dit is gratis.

Namib groete.

 

As die heelal huil

0 $

  (*foto krediet aan google)

smeltend huil die heelal
en vlerkloos het die skanse weggeval
as die kettings van vervloë sprokies
anker in vandag se treurverhaal
my treë dein oor lawastrome
verby die tralies in jou oë
wat onder woorde – grofgeskut –
ongeuiterd tussen ons kom lê

my verlange kerm hoonend
oor die kromming van die sekelmaan
en aandblomreuke bring salwing
soos botsels vir my siel
gebede fetus op die hemel van my tong
terwyl blinde windklanke klingellui in braille
en my somber denke spoed deur
die heil’ge branders van verset

dan draai ek bakhand na jou – my lief
want die son het dan reeds
in jou oë se siel gesterf
as jou vreugde bitter gal raak
kniel jy in wrang ontnugtering;
die vingers stram geklem
in die stille kreet
van jou gebed

© Anzé Bezuidenhout

Ciska Olivier Boeke Bekendstelling

Ciska Olivier se eerste twee romanses is reeds op die rakke en sy in samewerking met AoA Creative Block  nooi jou uit om op 3 November 2018 saam te kom kuier wanneer sy die bekendstelling hou vir:

Krummelpap in Parys (Proeseltjie)

en

Vir ‘n oomblik vir altyd (Proeseltjie)

te Windhoek by The Garden Café

(Ferreira’s Kwekery)

Tyd: 8:00 tot 12:00

Toegang: Gratis

Hoe om op die Blog te Pos

Om ‘n doodgewone pos – skryf, foto of video op die blog te plaas is maklik.

  1. Op jou menu bar – kies New Post (NIE New Page NIE!)
  2. Dan maak hy vir jou ‘n bladsy oop
  3. Tik die titel in
  4. Kies jou formaat – Regs – bv standard, Image, Video
  5. Kies jou kategorie – bv Prosa,  Publikasie,  Sommer gesels
  6. Kom terug hier na die “body” en tik jou boodskap – of “copy en paste” vanaf ‘n ander plek.
  7. As jy ‘n foto of video wil bysit – Net bokant jou teksdoos – hier waar ek nou tik – is ‘n opsie  “Add Media”
  8. Kies jou media wat jy wil oplaai
  9. Regs op die Menubar onder Publish is ‘n Preview opsie.
  10. Sodra jy tevrede is – dan druk jy net Publish en whalaaa – daar is jou eerste Blog.

Lekker speel

Herlewing in rou – deur Christo du Plessis

Herlewing in rou

Neef Sas is op die jeugdige ouderdom van vier en dertig met sy eie dienspistool vermoor. 
Die dag het dié Saterdag gebreek soos enige ander Saterdag.
Die familie se lus om die lewe te omhels en die sonnige Saterdag-
planne het met ‘n enkele oproep verswart.
“Sas is gisteraand vermoor. Hy het ‘n motordiefstal ondersoek. 
Die diewe het sy pistool gegryp en hom geskiet – drie skote. 
Deur sy nek, in sy oog en die finale skoot deur sy oor, het hom gevat.”
Skoonma het na haar kamer onttrek. Skoonpa dwalend, omdat die
mure hom vasdruk. Want neef Sas was ‘n ordentlike Mannetjie en ‘n 
deeglike Polisieman. Die beste!
Ta Atta, Sas se ma en Skoonma se suster, se trane loop binnekant toe. 
Deur haar siel en haar are en haar skelet. Net nie by haar oë uit nie.
Oompie Flip, Ta Atta se stil anderhelfte, het die vlaktes in gevaar. 
Hoe treur mens oor die dood as jy nooit geleer het om die lewe te vier nie?
Nou is Jasper hulle enigste lewende kind. Hoe kry hulle die boodskap by hom uit? 
Niemand weet waar hy is nie. As hy tog maar so betroubaar was soos Sas.
Jasper, wat nog nooit daarin kon slaag om sy goeie kant te bewys nie, 
kon nie op gespoor word nie. Telefoon oproepe, koerant- en internet-advertensies. 
Maar te vergeefs.
Antie Poppie, die oudste van Skoonma se “bloedsusters” tree toe in. 
“Dan lê ons vir Sassie te ruste sonder sy broer. 
Die man dink nooit aan ander nie, net aan homself.”
Die dag van begrafnis breek aan. Die seer wil uit mens se borskas skeur as jy die menigte aanskou wat Sas, met trane, vir oulaas kom groet. 
Net Ta Atta en Oompie Flip se oë bly droog. Want hulle hartseer lê waar geen oog kan sien nie.
Toe die familie om die graf vergader merk ek hom op – Jasper. 
Hy aan die eenkant van die graf en sy ouers aan die anderkant. 
Vir die eerste keer in ‘n lang tyd verenig hulle. In rou bereik hulle mekaar, oor die kis wat sak, herlewe hulle.

Christo du Plessis – 20 Okt 2018

Wie is Estelle?

Estelle is gebore en het grootgeword in die Keetmanshoop-distrik in die suide van Namibië.

Sy het in 1972 haar hoërskoolloopbaan aan die Hoër Meisieskool Bloemhof in Stellenbosch voltooi en het daarna tot 1976 aan die Universiteit van Port Elizabeth Maatskaplike Werk studeer.

Estelle het begin werk as ‘n maatskaplike werker in Windhoek in 1988.

Sedert haar oorlede man se aftrede in 1999, woon sy in Hentiesbaai, waar sy vir 15 jaar by die Hentiesbaai Munisipaliteit in diens as toeristebeampte was.

Estelle is sedert Julie 2014 afgetree en in 2016 weer getroud met Mias van Zyl. Hulle gesamentlike debuutbundel Opgeefsels is in 2017 gepubliseer.

Kippakiewiet

kiewiet

hoe bly jy staande? jy’s dan

net ‘n opgepofde bondeltjie dons op

een rooi rietjiebeentjie  

die ander kloutjie gevou in ‘n vuis

teen jou lyf terwyl jy kywie hou

 

kiewiet

ek dink ek weet wat jy maak as jy waarskuwend

kras in crescendo accelerando

jy het ‘n kippa op jou kop

jy het ‘n kippa en jy bid en bly staande

Skedelkus

in ‘n oer en vreemde land
op ‘n afgeleë verlate strand
soekend na vergane skepe
– net nog dryfhout in die sand –
skedel skulp en seewier in die son
kaats lig in pers en perlemoen
en aan ‘n soutlagune se soom
lê die karkas van ‘n kormorant

waar heuwels teen die blou lug welf,
in golf en lyn en kleur vervloei
word klip en rots en bleker sand
‘n skeidslyn aan die horison
in hierdie groot verlatenheid
waar wind en see my siel wil sus
hier vind ek vrede, vind ek rus
in die stilte van die skedelkus

©Estelle Rubow