Die Namib Skryf – sonder grense

Waar Afrikaans bymekaarkom

GEBEDE MET DIE WIND

ek is jou mamma,
dra jou teen my bors, voel jou in my hart
beleef jou pyn met smart

ag waarom kon ek dit nie keer nie
dat die lewe jou van droefheid leer nie

ek wil dit als by jou kom haal
dit stukkend trap en weggooi in die see

hier staan ek so verleë

want my hande is leeg, al pyn dit in my gees
ek kan nie die oorwinning vir jou gee nie
kan jou hart nie heelmaak
jou nuwe blydskap bring nie
of soos kleintyd vir jou liedjies sing nie
kan nie in jou plek kom staan nie
vooruitloop op die pad wat jy moet gaan nie

my liewe liefste kind
vir jou stuur ek duisende gebede op met die wind

– Dalene Mellet

Related Posts

En Tyd Vlieg – Onthou Jy Nog?
Totsiens Kaspaas Totsiens
Hartklop FM oor Meraai

Maak 'n opvolg-bydrae

Jou e-posadres sal nie gepubliseer word nie.

Translate »