Vrymaker


© Jaco Groenewald

Elke haar staan soos soldate ingebaan
hoendervleis van kroontjie tot toontjie
as wel die oë die venster van die siel is
die vel die plek waar wisseltrofees staan

Uit my binnekamer ñ stem se angs-sein
bring my vir ñ kortstondige blik tot halt
maar asem haal en dink voor jy praat..?
slegs ñ gawe gegee aan die skoon en rein

Soos ñ renperd reg vir die hek se oopslaan
haas my hofie na handgemaakte spoke
warmbloedig gemaak sonder ommekeer
toe jou bom-botsing met my wentelbaan

Nes ñ kurkprop op die oseaan rondgeswerf
elke golfbesluit geneem sonder my seël
elke stormwind wil dien as ñ kristalkyker
tot jy jou naam op my hart moes kom kerf

Gepubliseer deur

Jaco Groenewald

Skrywer, dromer, driehoekkind (wat telkens in ñ sirkel gedruk word)Ek is Jaco Groenewald, aka David J Grunter, aka Jakkals. Ek is ñ gewone boerseun, met ñ bietjie Michael Jackson, Michael Jackson uit die Ou Testament. Behalwe lees, skryf en my liefdeslewe opdonner, is ek versot op krieket, bier en koekies. Veral oats koekies. Ek is ook gek oor moedernatuur en kry baie van my inspirasie by haar. Ek het ñ boek in Ingels geskryf, I'm a Killer, wat eersdaags op die rakke sal wees. Asook ñ Afrikaanse bundel, Jakkalsdrome en Wensdenkery, met dertig kortverhale, twintig gedigte en ñ klompie rubrieke uit my pen. Maak gerus ñ draai. Miskien verras ek jou.

Laat 'n boodskap

Jou e-posadres sal nie gepubliseer word nie.