Die Namib Skryf – sonder grense

Waar Afrikaans bymekaarkom

van toe af…

Dit was op ʼn stoep iewers

vroeg in my kinder vel toe die skemer uur

die grond pad horison se oker stof

so heup stok bo die aarde lê en huiwer

en die eerste druppel reën

sy geur laat val

en bars van diep kaneel

 

dis toe dat die wêreld kantel

om die hemel van ons plaas

waar die ewigheid deur die laaste

skrefie van die dag vir my gewink het

en die heelal begin sypel soos

musiek uit die voorkamer

en kerse oppie tafel

 

‘n tuin miskien ‘n duisend

wei velde hier vandaan

toe die ou kruis-hond my kom soek

by die getap van ʼn dam

bad water dan ma se geroep

so voor die kaalvoet nag

geheim vol van niks en alles, huil of lag

 

weet jy

ek soek nog nimmer daai kind

sonder sien of praat goed gebind

so verlief en van die liefde vry

oor niks en niemand

 

Deur Dirk van Agter

Related Posts

Maak 'n opvolg-bydrae

Jou e-posadres sal nie gepubliseer word nie.

Translate »