My verlatenheid huil

0 $

onder die geloei van die wind
waaier wolke deur kliptralies
soos droombesems waar hulle
teen die gekneusde horison
stilweg prentjies verf

deur die growwe klipvenster klink
my gesug soos monniksgebede
onder die son wat water trek
teen die blou-blou lug

die dink het my hier verloor
terwyl wind en sand
banaal tot in ewigheid
skommel en bly voortwoel

my verlatenheid huil
in somber kleure
(buite ‘n bekende
wentelbaan) waar
dit in bittertrane
losbreek en vlug

© Anzé Bezuidenhout

Een gedagte op “My verlatenheid huil”

Laat 'n boodskap

Jou e-posadres sal nie gepubliseer word nie.